X
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
Հայաստանի տուրիստական անցուդարձը > Այլևայլք
 |
Հուլիսի 11-ին ամբողջ աշխարհը տոնում է շոկոլադի միջազգային օրը։ Տոնը սիրված է նաև հայ քաղցրակերների կողմից: Ահա այս տարի առաջին անգամ տոնը նշվելու է Երևանում:
DAWG Factory-ի հիմնադիր Ջոն Մկրտչյանի գլխում ծագած գաղափարն իրագործելու համար The LOFT ակումբի քաղցրակեր թիմը որոշել է բաց չթողնել այս համեղ առիթը և կազմակերպել շոկոլադի ամենամյա փառատոն-էքսպոն, որը միտում ունի տարվա մեջ գոնե մեկ օր բացահայտել Երևանի շոկոլադասերներին։
Choco Fest-ն անցկացվելու է հուլիսի 11-ին ժամը 15.00-19.00-ին Մոսկովյան 3 հասցեում գտնվող The LOFT ակումբում:
Choco Fest-ը հրավիրում է բոլոր հայ արտադրողներին, շոկոլադ ներմուծողներին և նույնիսկ տնային պայմաններում շոկոլադ պատրաստող անձանց` եթե ցանկություն կա.
-ներկայացնել արտադրանքը լայն լսարանի
-ընդլայնել սպառողների ցանկը
-գովազդել ընկերությունը
-հանրայնացնել արտադրանքի տեսականին
-և ծանոթանալ մրցակիցների հետ
Մուտքն անվճար է բոլորի համար:
Գրանցումն արդեն ավարտված է: Գրանցվողների մասին պաշտոնական տեղեկություն կհրապարակվի շատ շուտով Choco Fest-ի ֆեյսբուքյան էջում:
Ի դեպ, բացի շոկոլադից լինելու է նաև խմիչքի հյուրասիրություն, որի մասին նորից առավել պաշտոնական ձևաչափով կհաղորդվի Choco Fest-ի ֆեյսբուքյան էջում։
The LOFT-ի թիմը վստահեցնում է, որ այդ օրը շատ համեղ և անակնկալներով է անցնելու:
|
հեղինակ` Travel News |
 |
Մեկ տարի առաջ «Դիջիթըլ Փոմըգրանեթ» ընկերությունը թողարկեց Գյումրի քաղաքի «Քայլարշավ Գյումրիում»` տուրիստական նախագծի հավելվածը:
Visit Gyumri հավելվածը Գյումրիի մասին տուրիստական ինֆորմացիա ստանալու հիմնական աղբյուրն է։ Այն նախագծված է iOS եւ Android համակարգերով աշխատող հեռախոսների համար։
Բացի կարեւոր եւ ճշգրիտ ինֆորմացիայի եւ լուսանկարների տրամադրումից, հավելվածը նաև առաջարկում է քայլարշավ քաղաքում՝ առանց գիդի ուղեկցության, նախագծված ճանապարհով, օնլայն եւ օֆլայն քարտեզներով։
Բացի այդ օգտվողը նաև հնարավորություն կունենա ստեղծել իր անձնական տուրը եւ շարժվել այդ տուրով քարտեզների եւ ուղղությունները հուշող տեխնոլոգիաների միջոցով։
Քաղաքի ընտրությունը պատահական չէ: Գյումրիի մասին շատ դժվար է ընդհանրական տեղեկատվություն գտնել մեկ վայրում՝ նամանավանդ տարբեր լեզուներով։ Տուրիստներին պետք է բազմալեզու ինֆորմացիա։ Հենց այս խնդիրները լուծելու համար էլ ստեղծվել է հավելվածը։
Հավելվածի հեղինակը Դիջիթըլ Փոմըգրանեթ ընկերության Գյումրիի թիմն է: Գաղափարը տեսանելի դարձնելու հարցում կազմակերպությանն աջակցել են Գյումրու քաղաքապետարանը, տուրիստական եւ մշակութային ենթակառուցվածքները, Շիրակի հանրային հեռուստաընկերության Երիտասարդական Նախաձեռնությունների կենտրոնը, Կումայրի արգելոց թանգարանը եւ մի շարք այլ կազմակերպությունները եւ անհատներ:
Հավելվածն այժմ գործում է հայերեն, ռուսերեն եւ անգլերեն տարբերակներով՝ տեքստերով եւ աուդիո նյութերով։ Ապագայում նախատեսվում են նաև ֆրանսերեն, իսպաներեն, չինարեն և իտալերեն տարբերակները:
«Դիջիթըլ Փոմըգրանեթ» ընկերությունը նախատեսում է ստեղծել նմանատիպ հավելվածներ Հայաստանի և աշխարհի այլ քաղաքների մասին ևս:
|
հեղինակ` Travel News |
 |
Սեպտեմբերի տասին Սանահինի Քարե կամրջի մոտակայքում տեղի է ունենալու Հատապտղի փառատոն:
Տարածաշրջանին հարակից անտառների հատապտուղների առատությունը, Լոռվա բնաշխարհի բարիքների յուրահատուկ համով ու հոտով գայթակղիչ և հետաքրքրաշարժ լինելը հենց որոշիչ է եղել տեղանքի ընտրության հարցում: Այդ ընտրությունը նպատակ ունի հանրահռչակ դարձնել և պատմամշակութային այցելությունների ցանկի մեջ ընդգրկել քաղաքի այդ հատվածում առկա մշակութային ժառանգությունը, մասնավորապես՝ Քարե կամուրջը:
Փառատոնը կազմակերպում է «Նոր Ալավերդի» հասարակական կազմակերպությունը՝ Ալավերդու քաղաքապետարանի ֆինանսական օժանդակությամբ:
Փառատոնի ժամանակ նախատեսվում են անցկացնել տարբեր միջոցառումներ՝ ժողովրդական երգի, ժողգործիքների կատարումներ, տեղի փայտամշակման աշխատանքների, գոբելենների, գորգերի, նկարների ցուցադրություն: Փառատոնի ժամանակ ներկայացվելու են նաև արվեստի տարբեր ճյուղերի ամենամյա ձեռքբերումները: Փառատոնն ուղեկցվելու է Յարխուշտա, Լորկե, Կարնո Քոչարի և ազգագրական այլ պարերով:
Փառատոնի մուտքն ազատ է. մասնակցել կարող են բոլոր ցանկացողները:
|
հեղինակ` Travel News |
 |
2016թ.-ի հուլիսի 2-ին Ենոքավան գյուղի մոտակայքում՝«Apaga Resort» հանգստյան գոտու տարածքում արդեն երկրորդ անգամ տեղի կունենա փառատոն, որը նվիրված է լինելու խոտաբույսերին:
Հայաստանն աշխարհում առաջին տեղերից մեկն է զբաղեցնում՝ տարածքի մեկ միավորին բաժին հասնող բույսերի տեսակների քանակով՝ ավելի քան 100 տեսակ՝ 1 քառակուսի մետրի վրա: Հանրապետության բուսականության բազմազանությունը պայմանավորված է բարդ ռելիեֆի առկայությամբ, բնակլիմայական պայմանների զանազանությամբ, աշխարհագրական դիրքով և բնական միջավայրի ու լանդշաֆտային գոտիների զարգացման առանձնահատկություններով: Հունիս-հուլիս ամիսներին Ենոքավանը հարուստ է բաձրլեռնային բուսականության բազմազանությամբ և շատ գեղեցիկ բարձր լեռնային մարգագետիններով: Հենց դրանով էլ պայմանավորվել է փառատոնի տեղանքի ընտրությունը:
Իրականացնում է Ենոքավանի զարգացման հիմնադրամը: Այն անցկացվելու է «Ապագա» ակտիվ հանգստի ակումբի տարածքում: Կազմակերպիչներն են նկարիչ-դիզայներ և ռեժիսոր-մուլտիպլիկատոր Աննա Քոլոզյանը, ընտանեկան ստեղծագործական նախագծերի հեղինակ («Նռանսերմեր», «Այբբենգիմ» եւ այլն), հոգեբան Գայանե Ազարյանը և «Ապագա» նախագծի համահիմնադիր Իրինա Չիբուխչյանը:
Խոտաբույսերի փառատոնի ժամանակ անցկացվելու են տարբեր միջոցառումներ, այդ թվում խոտից արտ-օբյեկտների ստեղծում, թատերականացված ներկայացումներ և պերֆորմանսներ, երաժշտական-պարային ծրագիր, հուշանվերների և էկոլոգիապես մաքուր մթերքների՝ մրգերի, բանջարեղենի, վայրի խոտաբույսերի և դեղաբույսերի տոնավաճառ (մասնակիցները կարող են ձեռք բերել մոտակա գյուղերի բնակիչների բերած ապրանքը և մասնակցել համտեսին): Փառատոնի ժամանակ անցկացվելու են նաև խոհարարական վարպետաց դասեր, որոնց համար նույնպես որպես բաղադրիչ կծառայեն զանազան խոտերը: Նախատեսվում են նաև հանդիպումներ տարբեր ոլորտների մասնագետների հետ (փառատոնի մասնակիցները կարող են ավելին իմանալ դեղաբույսերի և դրանց գործնական կիրառման մասին);
Միջոցառումները հնարավորություն կտան զբոսաշրջիկներին առաջարկել ավելի ընդգրկուն ծրագիր, որով թույլ կտան վերջիններիս ավելի լավ պատկերացում կազմել Հայաստանի մասին՝ ստեղծելով դրական էմոցիոնալ ֆոն և Հայաստան վերադառնալու ցանկություն:
Փառատոնի կազմակերպման հարցում Ենոքավանի զարգացման հիմնադրամին աջակցում են նաև Տավուշի մարզպետարանը և իշխանության այլ ներկայացուցիչներ: Ֆինանսավորումը իրականացնում է փառատոնի կազմկոմիտեի կողմից:
Փառատոնի մուտքն ազատ է: Կարող է մասնակցել յուրաքանչյուրը, ով ցանկանում է:
|
հեղինակ` Travel News |
 |
Yerevan Color Run-ը ձեր կյանքի ամենաուրախ և զվարթ հինգ կիլոմետրերն են:
Սա վազք-զվարճանք է, որը կազմակերպվում է աշխարհի շատ երկրներում՝ ներառյալ Ռուսաստանը, ԱՄՆ, Ավստրալիա, Բրազիլիա, Կանադա, Չիլի, Չինաստան, և 2015թ.-ից այն արդեն հասել է Հայաստան:
Սա միջոցառում է, որը դարձնում է մարդկանց երջանիկ: Սա վազք է, որտեղ տարիքը և սպորտային պատրաստվածությունը նշանակություն չունի:
Պատվիրել տոմս – runarmenia.org
-------------------------------------------------------------------------
Միջոցառման ծրագիրը և ժամանակացույցը
07:00 - 08:30 մասնակիցների գրանցում
08:30 - 8.50 ֆիտնես-նախավարժանք
08:50 - 9.00 Start-ի նախապատրաստում
09:00 - վազք
10:00 - լավագույն վազողների պարգևատրում
10:10 - երաժշտական գունազարդ «հրավառություն» (Color Party)
11:00 - միջոցառման ավարտ
Վազքին կարող են մասնակցել 14 տարեկանը լրացած բոլոր անձիք:
Վազքի մասնակիցների առավելագույն քանակն է - 3000 մարդ:
Մասնակցության արժեքն է - 4000 դրամ :
Մասնակիցը կստանա փաթեթ, որն իր մեջ ներառում է՝
• Վազքի համարանիշ
• Ռեզինե թևնոց
• Փոշեներկով փաթեթ (2 հատ)
• Ջուր՝ վազքուղու վերջում:
Վազքուղին առաջինը հաղթահարող երեք տղաները և աղջիկները կստանան նվեր փաթեթներ միջոցառման գլխավոր հովանավոր՝ Ամերիա Բանկի և հովանավոր՝ Տիկ Տակ ընկերության կողմից:
Yerevan Color Run-ի նպատակներից մեկը, դա Գյումրիում անօթևան երեխաներին օգնելն է:
Միջոցառման գլխավոր հովանավոր - Ամերիա Բանկ
Գլխավոր գործընկերներ - Երևանի Քաղաքապետարան
Հովանավոր – «Տիկ Տակ» ընկերություն
|
հեղինակ` Travel News |
 |
Հունիսի 11-ին ժամը 17:00-21:00 հրավիրում ենք Թումանյանի այգի՝ մասնակցելու «Հացը լեռներում» տոնածիսական ուտեստների փառատոնին:
Այսօր !!!! Հունիսի 11 ին բոլորս դեպի Թումանյանի այգի` զգալու Երևանի համն ու հոտը: Փառատոնի մուտքն անվճար է:
Տաղավարներում ուտեստները վաճառվելու են: Շատ տաղավարներում լինելու է նաև ՀՅՈՒՐԱՍԻՐՈՒԹՅՈՒՆ:
Երևանի քաղաքապետարան
Երևանի քաղաքապետի օգնական Մարիա Բարաղամյանը և «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանը Հանրային հեռուստաընկերության «Առավոտ Լուսո» ծրագրի ընթացքում ներկայացրել են հունիսի 11-ին կայանալիք «Համով-հոտով Երևան» խորագրով «Հացը լեռներում» տոնածիսական ուտեստների փառատոնի մանրամասները:
|
հեղինակ` Travel News |
 |
26 июня с 11:00 до 20:00 в парке Маштоца на одной площадке будут проходить кулинарные мастер классы и фестиваль еды на открытом воздухе, где лучшие рестораны Еревана представят вашему вниманию свои блюда.
В парке будут созданы все удобства для отдыха гостей.
По всем организационным вопросам обращаться к Кристине 091 36 09 04.
Небольшое примечание относительно финансовой стороны:
. участие в мастер-классах платное, стоимость 1.000-2.000 драм на человека,
. участие в фестивале конечно бесплатное,
. угощения от ресторанов - платные.
|
հեղինակ` Travel News |
 |
Էկոտուրիզմի առաջին փառատոնը կազմակերպել են «Ջերմուկի զարգացման կենտրոն» և «Երիտասարդ կենսաբանների ասոցիացիա» հասարակական կազմակերպությունները: Փառատոնը տեղի է ունենալու հունիսի 4-ին և 5-ին Վայոց Ձորի մարզի Գոմք և Մարտիրոս համայնքներում:
Էկոզբոսաշրջության փառատոնի նպատակն է նպաստել էկոզբոսաշրջության զարգացմանը Վայոց Ձորի մարզի Գոմք և Մարտիրոս համայնքներում, ինչպես նաև բարձրացնել էկոզբոսաշրջության վերաբերյալ հանրային իրազեկվածության մակարդակը:
Ծրագրում նախատեսվում է կազմակերպել հետևյալ միջոցառումները՝
1. Փառատոնի բացման արարողություն, տեղական սննդի վաճառք, էկոզբոսաշրջային ծառայությունների ցուցահանդես,
2. Մարզային հեծանվային գավաթ-մրցույթ,
3. Ժայռամագլցման սիրողական մրցույթ և դասընթաց,
4. Էկոերթուղիներով քայլարշավ և ձիարշավ,
5. Վրանային ավանի հիմնում, որտեղ երեկոյան կիթառով մենահամերգներով հանդես կգան անհատ կատարողներ,
6. ՀՀ Կարմիր գրքային բուսական և կենդանական աշխարհին նվիրված ֆոտոցուցահանդես,
7. Վրանային ճամբարում կրթական դասախոսությունների իրականացում հետևյալ թեմաներով՝
• Առաջին բուժօգնություն,
• Բնության պահպանություն և կենսաբազմազանություն,
• Փոխօգնության սկզբունքները արշավների ընթացքում,
• Անվտանգության ապահովման սկզբունքներ արշավների ընթացքում,
• Արշավային հագուստի ընտրության յուրահատկությունները.
8. Ձիարշավ և քայլարշավ դեպի Մարտիրոս համայնքի Ս. Հակոբ եկեղեցի, վիմափոր Սբ. Աստվածածին եկեղեցի և Չումովի (Չմոյի) լիճ:
Փառատոնին մասնակցել ցանկացողները կարող են գրանցվել «Միօրյա» և «Երկօրյա» տարբերակներով:
Միօրյա տարբերակի տեպքում Դուք հնարավորություն կունենաք մասնակցել միայն հունիսի 4-ին տեղի ունեցող միջոցառումներին:
Ստորև կարող եք ծանոթանալ նաև միջոցառման ծրագրին: Այն ծառայությունները, որոնցից օգտվելիս անհրաժեշտ է կատարել հավելյալ վճարում մատնանշված են «վճարովի – արժեք» գրառմամբ:
Գրանցման վերջնաժամեկտը՝ 20 մայիսի 2016:
Հունիսի 4
08:00 – Մեկնում Երևանից
12:30 Փառատոնի բացման արարողություն
12:30 – 14:00 Հեծանվային գավաթ
11:00 – 18:00 Էկոզբոսաշրջային ծառայությունների և գյուղատնտեսական արտադրանքի ցուցահանդես-վաճառք
13:00 – 14:00 Ճաշ (վճարովի – 1500 ՀՀԴ)
14:00 – 19:00 Քայլարշավներ Գոմք համայնքի էկոերթուղիներով (Խաչքար-մատուռ, Կամարաձոր, Խաչքարերով փորագրված ժայռ, Գոմքի լիճ)
14:00 – 19:00 Բուսաբանական էքսկուրսիա
14:00 – 19:00 Ժայռամագլցում
14:00 – 19:00 Ձիարշավներ (վճարովի 1500 ՀՀԴ և 10 000 ՀՀԴ)
19:00 Ընթրիք (վճարովի – 1500 ՀՀԴ)
19:30 Միօրյա տուրի մասնակիցների մեկնում Երևան
20:00 Երեկոյան խարույկ, դասընթացներ արշավային հմտությունների վերաբերյալ և համերգային ծրագիր
Գիշերակացը՝ վրաններում:
Հունիսի 5
07:00 – 09:00 Նախաճաշ տեղական և տնական սնունդով, ուրցով թեյ բոլորին (ներառված է մասնակցության վճարում)
08:00 – 12:00 Թռչնադիտարկում
09:00 – 10:00 Յոգա
10:00 – 15:00 Քայլարշավ դեպի Մարտիրոս համայնքի տեսարժան վայրեր (հին Մարտիրոս, Սբ Աստվածածին եկեղեցական համալիր, ժայռափոր եկեղեցի և լեգենդար Չմոյի լիճ)
13:00 – 14:00 Ճաշ (վճարովի – 1500 ՀՀԴ)
16:00 Հետ վերադարձ Երևան
Մանրամասների և գրանցման համար անցեք հետևյալ հղումով` http://goo.gl/forms/ke69ogDZGl
|
հեղինակ` Travel News |
 |
Ապրիլի 15-17-ը տեղի ունեցավ 3-րդ միջազգային Tour Expo տուրիստական ցուցահանդեսը, որն անցկացվում էր «Երևան էքսպո» ցուցահանդեսային համալիրում, և ազդարարեց Հայաստանում զբոսաշրջության սեզոնի բացումը:
Ցուցահանդեսի շնորհիվ բացահայտվում է զբոսաշրջության ծառայություների մի ողջ սպեկտր՝ զբոսաշրջային տուրեր Հայաստանում, Լեռնային Ղարաբաղում և այլուր, հյուրանոցների ամրագրումներ, ավիափոխադրումներ, ապահովագրական և այլ ծառայություններ:
Զբոսաշրջության լավագույն մասնագետների և սպառողի համար գործնական հանդիպումների, հաղորդակցության փորձված հարթակ է հանդիսանում Tour Expo ցուցահանդեսը: Այստեղ են ներկայացվել 2016 թվականի զբոսաշրջային սեզոնի նոր և հետաքրքիր առաջարկները՝ նոր ծրագրեր, նոր ուղղություններ և, իհարկե, նոր գներ:
2016 թվականի ցուցահանդեսին մասնակցել են մոտ 80 կազմակերպություններ ՝ Հայաստանից, Լեռնային Ղարաբաղից, Իսպանիայից, Եգիպտոսից, Բուլղարիայից, Իսրայելից, Ռուսաստանից, Ինդոնեզիայից և այլ երկրներից:
Այս տարի ներկայացված էին հետևյալ թեմատիկ բաժինները.
• Տուր օպերատորներ և ճանապարհորդական գործակալություններ
• Առողջարանային հանգիստ և բուժում
• էկոտուրիզմ
• Ակտիվ հանգիստ, սպորտ
• Առողջարաններ և հանգստյան տներ
• Հյուրանոցներ և հյուրանոցային ցանցեր
• Ավիա և երկաթուղային տրանսպորտի տոմսերի վաճառք
• Որսորդություն և ձկնորսություն
• Գործնական շրջագայություններ
• Ռեստորաններ, գիշերային ակումբներ և խաղատներ
• Տրանսպորտային ընկերություններ, փոխադրամիջոցներ
• Ապահովագրական ծառայություններ
• Բանկային ծառայություններ
• Առցանց ռեսուրսներ
|
հեղինակ` admin |
 |
Ապրիլի 2-ին Հայաստանի Ամերիկյան Համալսարանում կազմակերպվել էր «Էկոտուրիզմը Հայաստանում» համաժողով: Համաժողովի նպատակն էր խթանել էկոտուրիզմի զարգացումը Հայաստանում՝ ստեղծելով գաղափարների և փորձի փոխանակման հարթակ, ինչպես նաև` շահագրգռիռ կողմերի ցանց:
Համաժողովին ներկա էին փոխնախարարներ, զբոսաշրջային և բնապահպանական տարբեր կազմակերպությունների ներկայացուցիչներ, ուսանողներ և զբոսաշրջության սիրահարներ:
Համաժողովը բացեց ՀԱՀ պրովոստ Ռանդոլ Ռոդեսը, ով նշեց, որ էկոտուրիզմի զարգացումը պետք է սկսել Երևանից դուրս, անհրաժեշտ է զարգացնել մարզերը էկոտուրիզմի և ագրոտուրիզմի միջոցով:
Ելույթով հանդես եկավ ՀԱՀ Յակոբեան բնապահպանական կենտրոնի աշխատակից Ալեն Ամիրխանյանը, ով խոսեց ՀՀ էկոտուրիզմի ռեսուրսների և խոչընդոտող հանգամանքների մասին: «Մենք ունենք մեծ հարստություն զբոսաշրջիկներին Հայաստան գրավելու համար: Հայաստանում բնակվում են 350 տեսակի թռչուններ, մինչդեռ ողջ Եվրոպայում դրանց թիվը չի գերազանցում 700-ը: Թիթեռներից Հայաստանում հանդիպում է 220 տեսակ, երբ ողջ Եվրոպայում՝ 570 տեսակ: Հայաստանում հանդիպում են 3500 տեսակի բույսեր, որոնցից 452-ը գրանցված է Կարմիր գրքում: Սակայն Հայաստանում մեծ թիվ են կազմում խոչընդոտող հանգամանքները, որոնցից առաջնայինը անպատասխանատու հանքարդյունաբերությունն է, որը բացասական ազդեցություն է ունենում շրջակա միջավայրի վրա: Հաջորդ լուրջ խնդիրը անթույլատրելի անտառահատումն է. եթե 1990թ.-ին Հայաստանի տարածքի 11%-ը անտառապատ էր, ապա այժմ միայն 9.5%-ն է անտառապատ: Խոչնդոտների մեջ են նաև որսագողությունը, ենթակառուցվածքների թերացումը և շուկայի ոչ լիովին տեղեկացվածությունը»,- նշեց Ամիրխանյանը:
ՀՀ բնապահպանության փոխնախարար Խաչիկ Հակոբյանը ներկայացրեց ՀՀ-ում բնության հատուկ պահպանվող տարածքների մասին ընդհանուր տվյալներ, համաձայն որոնց Հայաստանի տարածքի 13%-ը համարվում է Բնության Հատուկ Պահպանվող Տարածք /ԲՀՊՏ/: Այս պահի դրությամբ Հայաստանում առկա է 3 արգելոց, 4 ազգային պարկ, 27 արգելավայր, 232 բնության հուշարձան: Նա լրացրեց Ալեն Ամիրխանյանի նշած տվյալները՝ նշելով, որ Հայաստանում բնակվող կենդանատեսակներից 308-ը գրանցված է Կարմիր գրքում:
Համաժողովի ընդհանուր նիստը եզրափակեց ՀՀ Էկոնոմիկայի նախարարության Զբոսաշրջության վարչության պետ Մեխակ Ապրեսյանը, ով ևս կարևորեց բնության դերը զբոսաշրջության զարգացման գործում: «Եթե մարդը բնության մասնիկ է, ապա տուրիզմի յուրաքանչյուր տեսակ կլինի էկոտուրիզմ: Բայց եթե մարդն իրեն չի համարում բնության մասնիկ, ապա էկոտուրիզմ լինել չի կարող», - եզրափակեց Ապրեսյանը:
Համաժողովի հաջորդ փուլում տեղի ունեցան համընթաց նիստեր հետևյալ թեմաներով՝
Սննդի և գյուղական զբոսաշրջություն,
Վայրի բնության վրա հիմնված զբոսաշրջություն,
Արկածային զբոսաշրջություն և Պատմամշակութային զբոսաշրջություն:
Զեկույցներով հանդես եկան տարբեր կազմակերպությունների ներկայացուցիչներ և անհատներ:
Բնական բարձրակարգ կոսմետիկա արտադրող "Նաիրիան" ընկերության տնօրեն Արա Մարկոսյանը ներկայացրեց իր ընկերությունը և դրա առավելությունները՝ դրանք միավորելով 5 խմբում. հայկական, բնական, գիտական, նրբաճաշակ, պատասխանատու:
Ընկերությունն իր գործունեությունն իրականացնում է Կոտայքի մարզի Արա գյուղում: Նա առաջարկեց գրավել զբոսաշրջիկներին այցելելու ընկերություն` հետևելու բնական կոսմետիկայի պատրաստման գործընթացին և մասնակցելու բնական հումքի հավաքմանը:
Կապանի բնակիչ Արթուր Ղազարյանը ներկայացրեց օրգանական մթերքների կարևորությունը զբոսաշրջության ոլորտում: Նա նշեց, որ եթե Սյունիքի մարզում զարգանա էկոտուրիզմը, ապա դա ավելի շահավետ կլինի, քան հանքարդյունաբերությունը. հանքարդյունաբերությունից ստացվող եկամուտը ավելի քիչ է, իսկ միջավայրի աղտոտումը շատ ավելի մեծ է, քան եթե մարզում զարգանա էկոտուրիզմը:
Ելույթով հանդես եկավ նաև Արենի գինու փառատոնի մարկետոլոգ Նունե Մանուկյանը: Նա նշեց, որ փառատոնը զբոսաշրջության զարգացման շարժիչ ուժ է: Սակայն փառատոնը զբոսաշրջության զարգացման գլխավոր միջոցը չպետք է լինի, այն ընդամենը պետք է ամփոփի զբոսաշրջային սեզոնը: Փառատոնների կազմակերպման համար որպես խոչընդոտ Մանուկյանը նշեց շրջապատի աղտոտումը: "Եթե մի զբոսաշրջիկը աղտոտի տարածքը, ապա հաջորդ զբոսաշրջիկը չի ցանկանա այցելել այդ վայր", - մեկնաբանեց Նունե Մանուկյանը:
Վայրի բնության վրա հիմնված զբոսաշրջության նիստի նպատակն էր, շրջակա միջավայրի արժեքները որպես զբոսաշրջային գրավչություններ զարգացնելու հետ մեկտեղ, պահպանել և պաշտպանել վայրի կենդանիներին և բնությունը: Մարդը պետք է հանդես գա որպես բնության և կենդանական աշխարհի մաս, այլ ոչ դրանց սեփականատեր:
Համաժողովի ընթացքում տեղի ունեցան այլ նիստեր ևս, որոնց ընթացքում քննարկվեցին Հայաստանում քայլարշավային ուղիների համապարփակ ցանց կազմելու և քարտեզագրելու համար առկա նախադրյալները, ներկայացվեցին էկոտուրիզմի բիզնես սկսելու ժամանակ հաշվի առնվող նախապայմանները:
Նյութը պատրաստեց TRIP2.am կատալոգի լրագրող Կ. Դավթյանը
|
հեղինակ` Travel News |
✈️ Կայքի 15 ամենաշատ դիտված գրառումները
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 14404
Սոց փաթեթներ ... | 9898
«ԲԱԳՐԱՏՈՒՐ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ "BAG ... | 7523
«ԱՆԵՍԱ ՏՈՒՐ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "ANESA ... | 7498
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 7411
Տուր դեպի Տաթև – Յուրաքանչյուր կիրակի ... | 7210
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 6990
«ՈՍԿԵ ԳԵՏԱԿ» ԱՂՎԵՐԱՆԻ ՀԱՆԳՍՏՅԱՆ ՏՈՒՆ "VOSKE ... | 6600
ՏԱԹԵՎԻ ՎԱՆՔ - ՍԱՏԱՆԻ ԿԱՄՈՒՐՋ - ԽՆՁՈՐԵՍԿԻ ՃՈՃՎՈՂ ԿԱ ... | 6449
Զբոսաշրջային միջոցառումներ, որոնք անցկացվելու են Հ ... | 6437
«ՎԱՆԱՁՈՐ ԱՐՄԵՆԻԱ» ԱՌՈՂՋԱՐԱՆ ԵՎ ՀՅՈՒՐԱՆՈՑԱՅԻՆ ՀԱՄԱԼ ... | 5337
ՏԱԹԵՎԻ ՎԱՆՔ - ՍԱՏԱՆԻ ԿԱՄՈՒՐՋ - ՇԱՔԻԻ ՋՐՎԵԺ ... | 5250
«ՆԱՐԵԿԱՎԱՆՔ ՏՈՒՐ» NAREKAVANK TOUR ... | 5190
Վենետիկի փողոցներով երեկ լողացել է կենդանի կետ ... | 5174
«ԱՐՄԵՆ ՏՈՒՐ» ARMEN TOUR ... | 4945
| . Պատահական հայտարարությունների ընտրանի |
Տեղադրել հայտարարություն
Մուտք համակարգ
Գրանցում
Գաղտնաբառի վերականգնում
Բաժանորդագրություն
Օգտակար
Հարցում
Հարցումն արդեն ավարտված է: