X
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
Հայաստանի տուրիստական անցուդարձը > Այլևայլք
 |
Նախագահ Սերժ Սարգսյանը Երևանի քաղաքապետ Տարոն Մարգարյանի հետ միասին ներկա է գտնվել մայրաքաղաքի Աբովյան փողոցում տարբեր սերունդների երեք վարպետներին՝ դուդուկահարներ Վաչե Հովսեփյանին, Ջիվան Գասպարյանին և Լևոն Մադոյանին նվիրված «Ուշացած լուսանկար» անվանումը կրող արձանախմբի բացման արարողությանը:
Արձանախմբի քանդակագործն է Դավիթ Մինասյանը, ճարտարապետը՝ Լևոն Իգիթյանը:
Երևանի քաղաքապետարանի մասնակցությամբ և «Տաշիր գրուպ» ընկերության հովանավորությամբ իրագործված արձանախմբի բացման պատիվը վերապահվել է Երևանի քաղաքապետ Տարոն Մարգարյանին և քանդակագործ Դավիթ Մինասյանին:
Հանդիսավոր բացմանը ներկա է գտնվել նաև Երևանի պատվավոր քաղաքացի, անվանի դուդուկահար Ջիվան Գասպարյանը:
Երևանի քաղաքապետարանի տեղեկատվության
և հասարակայնության հետ կապերի վարչություն
|
հեղինակ` Travel News |
 |
Դեկտեմբերի 5-ին Երևանի Հյուսիսային պողոտայում բացվել է արդեն ավանդական դարձած «ՍՈՒՐԲ ԾՆՆԴՅԱՆ ՏՈՆԱՎԱՃԱՌ»-ը:
Տոնավաճառը գործելու է մինչև 2016թ.-ի հունվարի 6-ը: Որպես կազմակերպիչներ են հանդես եկել Երևանի քաղաքապետարանը և Pascal Diodoto ընկերությունը:
|
հեղինակ` Travel News |
 |
Նամիբիայի մայրաքաղաք Վինդհուկում, նոյեմբերի 30-ից իր աշխատանքն է սկսել ՅՈՒՆԵՍԿՕ-ի Ոչ նյութական մշակութային ժառանգության պահպանման միջկառավարական կոմիտեի 10-րդ նստաշրջանը:
Կոմիտեն, ի թիվս այլ հարցերի, քննարկեց Մարդկության ոչ նյութական մշակութային ժառանգության ներկայացուցչական ցանկում գրանցելու համար ներկայացված 35 հայտ, որոնց թվում էր նաեւ Հայաստանի Հանրապետությունում ՅՈՒՆԵՍԿՕ-ի ազգային հանձնաժողովի` "Քոչարի. ավանդական խմբապար" հայտը:
Հայաստանյան պատվիրակության ներկայացրած փաստարկների շնորհիվ կոմիտեն վերանայեց փորձագիտական խմբի նախնական որոշումը:
Կոմիտեի անդամների, փորձագետների եւ ՀՀ պատվիրակության անդամների միջեւ ծավալված քննարկումների արդյունքում` կոմիտեն հաստատեց, որ Քոչարի ավանդական խմբապարը, լինելով ազգային ինքնության դրսեւորում, տարածված է Հայաստանում եւ Սփյուռքում:
Հայաստանը լրամշակված հայտը կներկայացնի կոմիտեի հետագա քննարկմանը:
news.am
|
հեղինակ` Travel News |
 |
Շաբաթ օրը Երևանում գինու համտես–տոնավաճառ է մեկնարկել։
Այս աստվածային խմիչքի տոնը կանցկացվի Հյուսիսային պողոտայում նոյեմբերի 28–29–ը։
Միջոցառման նպատակն է խթանել հայրենական արտադրանքի ճանաչումը և գինու օգտագործման մշակույթի տարածումն ազգաբնակչության շրջանում։
Տոնավաճառին մասնակցում է մոտ 20 ընկերություն, որոնցից յուրաքանչյուրը ներկայացնում է իր լավագույն արտադրանքը:
«Նոյեմբերի 20–ին Գյուղատնտեսության նախարարության և Երևանի քաղաքապետարանի միջև ստորագրվել է համագործակցության հուշագիր։ Մեր փոխգործակցությունը սկսվել է դեռ 2011 թ.–ին, երբ համատեղ ջանքերով Երևանում կազմակերպվել են գյուղատնտեսական ապրանքների տոնավաճառներ, որոնք բավականին հաջողված են», – լրագրողներին ասաց ՀՀ գյուղատնտեսության փոխնախարար Ռոբերտ Մակարյանը։
Նա ավելացրեց, որ համագործակցությունը կշարունակվի նաև 2016 թ.–ին, ինչի շրջանակում կկազմակերպվեն գյուղատնտեսական արտադրանքի նոր համտես–տոնավաճառներ։
«Նմանատիպ նախաձեռնությունների հիմնական նպատակն է զարգացնել հայրենական արտադրությունը։ Նման միջոցառումները նաև կարևոր են զբոսաշրջության զարգացման տեսակետից, քանի որ հարկավոր է Հայաստան այցելող զբոսաշրջիկներին ներկայացնել մեր հայրենական արտադրանքը», – ընդգծեց Մակարյանը։
Նա նաև նշեց, որ վերջին ինը ամսվա ընթացքում հանրապետությունում արտադրվել է 4 մլն լիտր գինի, և հիմա քայլեր են ձեռնարկում սպառման նոր շուկաներ փնտրելու և արտահանումն ընդլայնելու ուղղությամբ:
newsarmenia.am
|
հեղինակ` Travel News |
 |
Հայաստանի իշխանությունները մտադիր են խստացնել միջպետական ոչ կանոնավոր ուղևորափոխադրումների իրականացման գործընթացը, հինգշաբթի կառավարության նիստում ասաց Հայաստանի տրանսպորտի և կապի նախարար Գագիկ Բեգլարյանը։
Հայաստանի կառավարությունը հինգշաբթի հավանություն է տվել «Ավտոտրանսպորտի մասին» օրենքի, «Վարչական իրավախախտումների» օրենսգրքի, «Պետտուրքի մասին» օրենքի փոփոխություններին և լրացումներին, որոնք նախատեսում են միջպետական ոչ կանոնավոր ուղևորափոխադրումների իրականացման գործընթացի խստացում։
Նոյեմբերի լույս 3–ի գիշերը Տուլայում Մոսկվա–Երևան ավտոբուսի` վթարի ենթարկվելուց հետո Հայաստանի տրանսպորտի նախարարությանը հանձնարարվեց ոչ կանոնավոր ուղևորափոխադրումների կազմակերպման հետ կապված օրենսդրական փոփոխություններ կատարել։
«Օրենսդրական փոփոխություններով նախատեսվում է ոչ կանոնավոր միջպետական ուղևորափոխադրումների իրականացման հստակ կանոնների և պահանջների սահմանում, որոնք թույլ կտան բարձրացնել դրանց անվտանգությունն ու սպասարկման որակը»,– ասաց Բեգլարյանը։
Բացի այդ, երկրում խստացված են ուղևորափոխադրումների ոլորտի ընկերությունների նկատմամբ օրենքի պահանջները, մասնավորապես, ուղևորափոխադրումների կազմակերպման թույլտվությունը կտրամադրվի ավելի ազատական մոտեցումներ ենթադրող մրցութային հիմքով։
|
հեղինակ` Travel News |
 |
«Հեռուստատեսության և ռադիոյի մասին» օրենքում կառավարության հավանության արժանացած փոփոխությամբ հյուրանոցային ծառայություններ մատուցող տնտեսվարող սուբյեկտների համար բարենպաստ գործարար միջավայր կապահովվի:
Նրանց համար կվերացվեն իրենց տարածքում հեռուստատեսային հաղորդումներ հեռարձակելու համար պահանջվող լիցենզիայի կամ հեռարձակման լիցենզիա ունեցող ընկերության հետ վերահեռարձակման պայմանագիր կնքելու ուղղակի ֆինանսական և վարչարարական ծախսերը, ինչպես նաև ուժը կորցրած կճանաչվի առանց լիցենզավորման հեռուստառադիոհաղորդումներն Ազգային հանձնաժողովի գրավոր թույլտվության հիման վրա իրականացնելու վերաբերյալ դրույթը:
analitik.am
|
հեղինակ` Travel News |
 |
Գինու համտես-տոնավաճառի նպատակն է խթանել հայրենական արտադրանքի ճանաչումը և գինու օգտագործման մշակույթի տարածումն ազգաբնակչության շրջանում: Շուրջ 20 ընկերություն կներկայացնի իր լավագույն արտադրանքը:
Գինու համտես-տոնավաճառը միտված է նաև նպաստել Հայաստանում տուրիզմի զարգացմանը և ներկայացնել մասնակիցներին հայ գինեգործության լավագույն ավանդույթները:
Տոնավաճառը կգործի երկու օր ժամը 11: 00-ից մինչև 21։00-ն:
Վայրը՝ Հյուսիսային պողոտա:
|
հեղինակ` Travel News |
 |
Հայաստանում տեղեկատվական տեխնոլոգիաների ոլորտը հետաքրքրություն է ներկայացնում ամերիկացի ներդրողների համար։ Այս մասին 19-ին Տնտեսական համագործակցության հայ-ամերիկյան միջկառավարական հանձնաժողովի նիստի շրջանակներում լրագրողների հետ զրույցում ասել է Հայաստանում ԱՄՆ դեսպան Ռիչարդ Միլսը։
Անդրադառնալով հարցին, թե որ ոլորտներով են հետաքրքրվում ամերիկացի ներդրողները՝ հաշվի առնելով Հայաստանի փոքր շուկան, դեսպանը պատասխանեց. «Մենք ողջունում ենք բոլոր ոլորտները դիտարկելու ամերիկացի ներդրողների նախաձեռնությունները։ Հայաստանում մենք աջակցում ենք գյուղատնտեսության ոլորտին, քանի որ կարծում ենք, որ դա երկրի տնտեսության զարգացման խթանիչ ուժն է։ Մեր ուշադրության կենտրոնում է նաեւ զբոսաշրջության ոլորտը։ Վաղը մեկնարկում է Հայաստանի գյուղական համայնքներում զբոսաշրջության զարգացմանն ուղղված ծրագիրը»։
news.am
|
հեղինակ` Travel News |
 |
Երևանի քաղաքապետարանի տուրիզմի բաժնից տեղեկացնում են, որ «Երևան Սիթի Տուր» քաղաքային զբոսաշրջային պաշտոնական ծրագիրը, եղանակային պայմաններից ելնելով, նոյեմբերի 18-ին ավարտել է 4-րդ տարեշրջանը: «Երևան Սիթի Տուր»-ը մայրաքաղաքի տեսարժան վայրերով զբոսաշրջային էքսկուրսիաների կազմակերպումը կվերսկսի 2016 թվականի գարնանը: Երևանի քաղաքապետարանի տեղեկատվության և հասարակայնության հետ կապերի վարչություն
|
հեղինակ` Travel News |
 |
2015-12-26, Ժամը՝ 12:00-14:00, Բյուրականի «Տոնացույց» կենտրոն:
Տոմսերի արժեքը` 7000 դրամ:
Հայկական ամանորին՝ Կաղանդին նվիրված բացառիկ միջոցառում՝ ավանդական ծեսերով:
Սարերից է իջնում Կաղանդը, ճերմակ ձյան և իմաստուն նախնիների պես, ապագա սերնդին տալով մաքրություն, հույս, հավատ և սեր...
Արագածի ձյունառատ լանջին, գյուղի հեքիաթային միջավայրում, «Տոնացույց» ժողովրդական թատրոնը Ձեզ կներկայացնի և հաղորդակից կանի Կաղանդի ավանդական ծեսերին՝ արարողություններ, երգեր, պարեր, խաղեր, ուտեստ և իհարկե նվերներ...
Հասցեն՝ «Տոնացույց» կենտրոն, Բյուրական, 16 փողոց, 12 տուն
|
հեղինակ` admin |
✈️ Կայքի 15 ամենաշատ դիտված գրառումները
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 14403
Սոց փաթեթներ ... | 9895
«ԲԱԳՐԱՏՈՒՐ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ "BAG ... | 7521
«ԱՆԵՍԱ ՏՈՒՐ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "ANESA ... | 7496
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 7407
Տուր դեպի Տաթև – Յուրաքանչյուր կիրակի ... | 7208
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 6989
«ՈՍԿԵ ԳԵՏԱԿ» ԱՂՎԵՐԱՆԻ ՀԱՆԳՍՏՅԱՆ ՏՈՒՆ "VOSKE ... | 6600
ՏԱԹԵՎԻ ՎԱՆՔ - ՍԱՏԱՆԻ ԿԱՄՈՒՐՋ - ԽՆՁՈՐԵՍԿԻ ՃՈՃՎՈՂ ԿԱ ... | 6447
Զբոսաշրջային միջոցառումներ, որոնք անցկացվելու են Հ ... | 6435
«ՎԱՆԱՁՈՐ ԱՐՄԵՆԻԱ» ԱՌՈՂՋԱՐԱՆ ԵՎ ՀՅՈՒՐԱՆՈՑԱՅԻՆ ՀԱՄԱԼ ... | 5334
ՏԱԹԵՎԻ ՎԱՆՔ - ՍԱՏԱՆԻ ԿԱՄՈՒՐՋ - ՇԱՔԻԻ ՋՐՎԵԺ ... | 5248
«ՆԱՐԵԿԱՎԱՆՔ ՏՈՒՐ» NAREKAVANK TOUR ... | 5187
Վենետիկի փողոցներով երեկ լողացել է կենդանի կետ ... | 5173
«ԱՐՄԵՆ ՏՈՒՐ» ARMEN TOUR ... | 4943
| . Պատահական հայտարարությունների ընտրանի |
Տեղադրել հայտարարություն
Մուտք համակարգ
Գրանցում
Գաղտնաբառի վերականգնում
Բաժանորդագրություն
Օգտակար
Հարցում
Հարցումն արդեն ավարտված է: