Նոր խուճապ. ռումբ ինքնաթիռում

Լեհաստանից Եգիպտոս ուղևորվող ինքնաթիռը արտակարգ վայրէջք է կատարել Բուլղարիայի Բուրգաս օդանավակայանում:
Ինքնաթիռը կատարել է Վարշավա-Հուրգադա հերթական թռիչքը, երբ ուղևորներից մեկը հայտնել է, որ սրահում ռումբ կա: Օդաչուն որոշել է հրատապ վայրէջք կատարել Բուլղարիայի տարածքում: Վայրէջքը բարեհաջող կատարվել է, բոլոր ուղևորները տարհանվել են:

Այժմ Բուրգասի օդանավակայանը շրջապատված է ոստիկանության կողմից, ստուգվում է ռումբի առկայության փաստը: Սահմանվել է հակաահաբեկչական ռեժիմ:

Հայտնի է, որ ռումբի գոյության մասին հայտնել է 64-ամյա ուղևորը: Այժմ նա հարցաքննվում է իրավապահ մարմինների կողմից:


* Թարգմանումն ու խմբագրումը կատարված է Trip2.am-ի կողմից: Հոդվածն ամբողջական կամ մասնակի արտատպելիս` սույն էջին հղվելը պարտադիր է: