📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
|
Հատապտղի փառատոն Քարե կամրջի մոտակայքում |
|
Սեպտեմբերի տասին Սանահինի Քարե կամրջի մոտակայքում տեղի է ունենալու Հատապտղի փառատոն:
Տարածաշրջանին հարակից անտառների հատապտուղների առատությունը, Լոռվա բնաշխարհի բարիքների յուրահատուկ համով ու հոտով գայթակղիչ և հետաքրքրաշարժ լինելը հենց որոշիչ է եղել տեղանքի ընտրության հարցում: Այդ ընտրությունը նպատակ ունի հանրահռչակ դարձնել և պատմամշակութային այցելությունների ցանկի մեջ ընդգրկել քաղաքի այդ հատվածում առկա մշակութային ժառանգությունը, մասնավորապես՝ Քարե կամուրջը: Փառատոնը կազմակերպում է «Նոր Ալավերդի» հասարակական կազմակերպությունը՝ Ալավերդու քաղաքապետարանի ֆինանսական օժանդակությամբ: Փառատոնի ժամանակ նախատեսվում են անցկացնել տարբեր միջոցառումներ՝ ժողովրդական երգի, ժողգործիքների կատարումներ, տեղի փայտամշակման աշխատանքների, գոբելենների, գորգերի, նկարների ցուցադրություն: Փառատոնի ժամանակ ներկայացվելու են նաև արվեստի տարբեր ճյուղերի ամենամյա ձեռքբերումները: Փառատոնն ուղեկցվելու է Յարխուշտա, Լորկե, Կարնո Քոչարի և ազգագրական այլ պարերով: Փառատոնի մուտքն ազատ է. մասնակցել կարող են բոլոր ցանկացողները: |
||
Գրանցվեք կամ մուտք գործեք համակարգ՝ այս հեղինակին հաղորդագրություն ուղարկելու, հայտարարությունը բողոքելու, տարածելու, հիշելու և այլ հնարավորություններ ստանալու համար |
||
. Պատահական հայտարարությունների ընտրանի |